Orðrómurinn segir: George Clooney er sexý.
Staðreyndin er: George Clooney er bjáni.

Ég er alltaf að lesa á mbl.is að Georg Clooney sé svo mikill grallari. Myndin sem fylgir er yfirleitt af sykursætum grallaraspóa, sem lítur út fyrir að vera nýbúinn að fremja enn eitt grallarastrikið. Skoðum nokkur:


Clooney segist ekki geta boðið sig fram til forseta sökum kynlífsreynslu (#).
Inntak fréttarinnar: Clooney segist hafa sofið hjá allt of mörgum konum til að geta samviskulaust boðið sig fram til forseta.
(Eina sem hægt er að segja við þessu: Þú ert nú meeeiri karlinn!)


Clooney vill gera Gróu á Leiti ringlaða; stefnumót með Leonardo DiCaprio (#)
Inntak fréttarinnar: George Clooney segist gjarnan vilja fara á stefnumót með karlmanni til að gera sögusmettur ruglaðar í ríminu og koma í veg fyrir að þær viti með hverjum hann raunverulega sé.
(Þú ert nú meeeiri karlinn!)

Clooney laus og liðugur (#)
Inntak fréttarinnar: Clooney lét síðustu kærustu sína róa.
(Þú ert nú meeeiri karlinn!)

Clooney lætur sig dreyma um hina fullkomnu konu (#)
Inntak fréttarinnar: Clooney gerir miklar kröfur í leit sinni að lífsförunaut. Hún þarf að hlæja eins og Nicole Kidman, hafa persónuleika Júlíu Róberts (sem er örugglega mjög leiðinleg), fegurð Michelle Pfeiffer (sjá mynd) og metnaðargirni Jennifer Lopez (hvaða bull er það?).
(Þú ert nú meeeiri karlinn!)

Clooney líkti eftir Marx-bróður með ,,vininum" (#)
Inntak fréttar: Clooney svaf sjálfviljugur hjá Roseanne Barr. Oft. Og mun hann brenna í helvíti fyrir það.

Þú er nú meeeiri kallinn!