Lofgjörð um Helga

Nokkra þekki ég yfirburðarmenn, og margir þeirra eru meðal minna kærustu vina. En aðeins eina hetju þekki ég og hún heitir Helgi.

Ég áttaði mig á þessu, þegar hann vann eitt sumarið á ekru minni í nágrenni New Orleans. Húbóndahollari og leiðitamari vinnumann hef ég aldrei hitt á minni löngu æfi. Mér er minnistæð sagan af því, þegar hestarnir mínir örmögnuðust á leiðinni til Philadelphiu og ég varð að beita Helga fyrir kerruna. Það var eins og við manninn mælt, Helgi spennti á sig kjálkabeislið fortölulaust og hélt af stað. Aldrei heyrðist hann hnjóða (ekki einu sinni þegar ég barði hann með svipunni og sagði: Hó!! Áfram hestur! Áfram!!). Við rétt náðum á markaðinn áður en hann lokaði, mér til mikillar ánægju.

Já, Helgi er til sóma í öllu því sem hann tekur sér fyrir hendur. Amen.